CHUO CHA DINI YA KIISLAM KIMEANDAA SEMINA YA WAANDISHI WA HABARI KIGOGO POST, DAR ES SALAAM.

Uongozi wa chuo cha dini ya Kiislam kilichopo Kigogo Post, Dar es Salaam, umeandaa Semina maalumu kwa Waandishi wa habari kwa ajili ya kutoa elimu juu ya kuelimisha jamii kupitia kazi yao ya habari, wanahabari katika Semina hiyo wametakiwa kufanya kazi kwa uchunguzi zaidi juu ya matukio yanayofanyika kabla ya kutoa habari kwa jamii pia wametakiwa kusoma zaidi ili waweze kufanya kazi zao kwa ufanisi, Sheikh Hemed Jalala Imam wa Msikiti wa Waislamu Madhehebu ya Shia Ithna Ashariyyah Kigogo Post, amevitaka vyombo vya habari kusimamia vitu muhimu vyenye maslahi kwa Taifa pamoja na kutanua fikra na mitazamo kwa Jamii ambayo itapelekea maendeleo nchini. “Wanahabari wanatakiwa kuwa chanzo cha kuleta mabadiliko mema katika jamii, pamoja na kuwaunganisha watanzania kuwa kitu kimoja katika nyanja za Kiuchumi, Kijamii, Kidemokrasia, hususani nchi kuibakiza katika Amani”