Ayatullahil
Udhma Sheikh Nasser Makarim Shirazi Marja'a Taqlid wa Waislamu wa
Madhehebu ya Kishia amesema kuwa, katika zama hizi umoja na mshikamano
kati ya Waislamu una umuhimu mkubwa zaidi katika ulimwengu wa Kiislamu.
Akizungumza na Sheikh Ahmad al Zein Mkuu wa Jumuiya ya Maulamaa wa
Kiislamu wa Lebanon mjini Qum, kusini mwa Tehran Ayatullah Makarim
Shirazi ameeleza kwamba, mambo yanayowakurubisha
Waislamu ni mengi na kusisitiza kwamba leo hii ulimwengu wa Kiislamu
unapaswa kuwa macho katika kukabiliana na njama za maadui. Kwenye
mazungumzo hayo, Sheikh Ahmad al Zein ameelezea jinsi jumuiya hiyo
ilivyoundwa yapata miongo mitatu iliyopita kutokana na taathira za
harakati ya Imam Khomeini MA, Muasisi wa Jamhuri ya Kiislamu ya Iran
nchini Lebanon na kusisitiza kwamba, kuamini mfumo wa utawala wa fakihi,
kuzipa nguvu harakati za muqawama wa wanamapambano wa Palestina,
kusambaza fikra na utamaduni wa umoja na mshikamano wa Waislamu kati ya
Mashia na Masuni ni miongoni mwa malengo makuu ya kuundwa jumuiya hiyo.
Jumuiya ya Maulamaa wa Kiislamu nchini Lebanon inayoundwa na wasomi na
maulamaa 250 wa Kishia na Kisuni, iliundwa yapata miaka 35 iliyopita
kutokana na ubunifu wa Imam Khomeini MA. Chanzo cha habari: http://kiswahili.irib.ir/habari/iran/item/45837-ayatullah-makarim-shirazi-umoja-unahitajika-baina-ya-waislamu
