Kamanda wa Jeshi la Kujitolea Iran, Basiji, amesema kuwa, vita vya Marekani dhidi ya Syria ni sehemu ya siasa za kupenda vita za Marekani zenye lengo la kuulinda utawala wa Kizayuni wa Israel. Brigedia Jenerali Mohammad-Reza Naqdiameeleza kwamba lengo si kupambana na ugaidi au silaha za kemikali bali lengo la Marekani ni kutawala, ukandamizaji na kuulinda utawala ghasibu za Kizayuni.
Wakati huo huo, huku Marekani ikiendelea kupiga ngoma za vita dhidi ya Syria, Mkuu wa Baraza la Usalama wa Taifa na Kamati ya Siasa za Nje ya Bunge la Iran ametahadharisha juu ya taathira mbaya ya nchi za kigeni kuingilia kijeshi Syria. Alaeddin Boroujerdi amesema hayo katika mazungumzo yake na Spika wa Bunge la Syria Mohammad Jihad al-Laham na kuongeza kwamba mashambulizi yoyote dhidi ya Syria yatapanuka hadi nje ya mipaka ya nchi hiyo.
Wanamgambo waliohojiwa
wamedai kuwa Saudi
Arabia haikuwafahamisha kuwa silaha hizo ni za kemikali wala hawakupokea
maelezo kuhusu namna ya kuzitumia. Wanamgambo hao wanawatuhumu magaidi
Mawahabi wakufurishaji kutoka kundi linalojiita an-Nusra ambalo
linafungamana na al-Qaeda, kuwa waliwatumia vibaya wapiganaji wengine na
kuwapa silaha za kemikali pasina kuwapa maelezo. Aidha wanamgambo wengi
waliohojiwa wanasema wao hupokea mishahara kutoka serikali ya Saudia.
Wamesema mkuu wa shirika la kijasusi Saudia amepewa lakabu ya al-Habib ,
yaani kipenzi, na wapiganaji wa al-Qaeda wanaoipiga vita serikali ya
Syria. Hii ni kwa sababu amekuwa akiwapa misaada kwa lengo la kuiangusha
serikali halali ya Syria. Ikumbuwke kuwa Saudi Arabia ni muitifaki
mkubwa wa Marekani na Bandar bin Sultan aliwahi kuwa balozi wa Saudia
nchini Marekani kwa zaidi ya miaka 20.
Inaonekana kuwa, hatua ya Rais Obama ya kulegeza msimamo
ina mfungamano na matukio ya hivi karibuni kieneo na kimataifa. Ukweli
wa mambo ni kwamba, Obama amejikuta yuko peke yake baada ya kushindwa
kupata idhini ya jamii ya kimataifa kupitia Baraza la Usalama la Umoja
wa Mataifa kwa ajili ya kuishambulia kijeshi Syria. Hadi sasa rasimu
tatu za maazimio yaliyopendekezwa na Wamagharibi na waitifaki wao kwa
ajili ya kuishinikiza Syria zimegonga mwamba katika Baraza la Usalama
baada ya kupigiwa kura ya veto. Pigo la hivi karibuni kabisa la
Wamagharibi katika uwanja huo ni kukwama pendekezo la Uingereza
lililowasilishwa katika Baraza la Usalama la kutaka idhini ya
kuishambulia kijeshi Syria. Baada ya Uingereza kujiweka pembeni,
Marekani imebakia na mshirika mmoja tu yaani Ufaransa katika propanga za
kupigia upatu shambulio la kijeshi dhidi ya Syria. Hata hivyo Ufaransa
nayo mambo yake hayako shwari sana hasa kutokana na kuwa, kuna wimbi
kubwa la upinzani nchini humo ambalo halitaki kuiona Paris ikishirikiana
na Washington katika shambulio la kijeshi dhidi ya Syria. Vyombo vya
habari nchini Ufaransa vinamtaja Rais Francois Hollande wa nchi hiyo
kwamba, ndiye swahiba na mshirika pekee wa Marekani barani Ulaya katika
kupiga ngoma ya vita dhidi ya Syria. Weledi wa mambo wanaamini kwamba,
matukio haya ndio yaliyomfanya Rais Obama afikirie mara mbilili hasa
baada ya kujiona kwamba, kwa namna fulani amebakia peke yake katika
kadhia ya kutaka kuishambulia kijeshi Syria. Pamoja na hayo, Obama
hataki kuubeba peke yake mzigo mzito wa kuishambulia kijeshi Syria.
Mbali na kuachwa mkono na washirika wake katika kuishambulia kijeshi
Syria, Obama anakabiliwa pia na upinzani mkali wa fikra za waliowengi
ndani ya Marekani. Kwani kwa mujibu wa uchunguzi wa maoni zaidi ya
asilimia 60 ya Wamarekani wanapinga nchi yao kuishambulia kijeshi Syria.
Wachambuzi wa mambo wanaamini kwamba, hatua ya Obama ya kuacha kutumia
mamlaka aliyonayo kikatiba ya kutoa idhini ya kushambuliwa kijeshi Syria
na badala yake kutaka Kongresi ya nchi hiyo ichukue uamuzi wa hilo, ni
hila na ujanja wa kisiasa ambao lengo lake ni kutaka kupata himaya ya
Kongresi kuhusiana na hilo hasa kwa kutilia maanani kwamba, Kongresi ya
Marekani itaunga mkono kushambuliwa kijeshi Syria.
Mawaziri wa Jumuiya ya Nchi za Kiarabu wanatajiwa kukutana katika
mji mkuu wa Misri Cairo ili kujadili mgogoro wa Syria. Ahmed Bin Hilli
Naibu Katibu Mkuu wa Arab League amesema, ajenda ya mkutano huo ni
kuangazia mageuzi yanayojiri kwa haraka nchini Syria na kwamba kikao
hicho kimeitishwa na nchi kadhaa za Kiarabu. Jumuiya ya Nchi za Kiarabu
Jumanne iliituhumu serikali ya Syria kuwa eti imefanya shambulizo la
silaha za kemikali pambizoni mwa mji mkuu Damascus tarehe 21 Agosti.
Huko nyuma pia jumuiya hiyo ilisimamisha kwa muda uanachama wa Syria kwa
madai kwamba serikali ya Rais Bashar la Assad imeshindwa kushikamana na
mpango wa amani wa Kiarabu uliokuwa na lengo la kuhitimisha mgogoro wa
nchi hiyo.
Hata hivyo baadhi ya nchi wanachama wa Arab League kama vile Misri,
Iraq, Lebanon, Tunisia na Algeria zinapinga nchi za kigeni kuingilia
kijeshi mgogoro wa Syria.
Rais Barack Obama wa Marekani ameendelea kutengwa kimataifa katika ngoma
zake za vita dhidi ya Syria lakini amesisitiza kuendeleza mpango wake
wa kuishambulia kijeshi nchi hiyo ya Kiarabu. Akizungumza Jumamosi mjini
Washington, Obama alionekana kulegeza msimamo kidogo na kusema ataomba
idhini ya Bunge la Kongress kabla ya kuingia vitani Syria. Bunge hilo
linatarajiwa kurejea kutoka likizoni Septemba tisa ili kujadili kadhia
ya uvamizi wa kijeshi Syria. Obama hatahivyo hakubainisha wazi iwapo
atatumia uwezo wake kama amri jeshi mkuu kuishambulia Syria iwapo
Kongress itapinga wito wake wa vita. Obama anapiga ngoma hizo za vita
huku uchunguzi wa maoni ukionyesha kuwa asilimia 60 ya Wamarekani
wanapinga vita dhidi ya Syria. Aidha maandamano ya kupinga vita Syria
yanaendelea kote duniani huku waitifaki wa karibu wa Marekani kama vile
Uingereza, Ujerumani, Canada na Italia wakisema hawatajihusisha na
hujuma ya kijeshi dhidi ya Syria. Wakaguzi wa Umoja wa Mataifa
wamemaliza uchunguzi wao kuhusu matumizi ya silaha za kemikali Syria na
wamesema matokeo ya uchunguzi huo yatatangazwa kabla ya wiki mbili.
Serikali ya Syria imekanusha vikali madai ya kutumia silaha za kemikali
na kusema magaidi wanaopata himaya ya nchi za Magharibi na baadhi ya
nchi za eneo ndio waliotumia silaha hizo za sumu. Naye Rais Vladimir
Putin wa Russia amesema kuwa, tuhuma za utumiwaji silaha za kemikali
zinazoelekezwa kwa serikali ya Syria, ni upuuzi mtupu. Chanzo cha habari
http://kiswahili.irib.ir/habari
Kamanda
wa Jeshi la Walinzi wa Mapinduzi ya Kiislamu Iran (IRGC) Meja
Jenerali Mohammad Ali Ja'afari amonya kuhusu natija mbaya ya hujuma
yoyote ya Marekani dhidi ya Syria.
Ametahadharisha kuwa iwapo Marekani itaishambulia Syria, basi athari
mbaya za hujuma hiyo zitaenea katika eneo lote la Mashariki ya Kati.
Meja Jenerali Ja'afari ameishauri Marekani ipate funzo kutoka masaibu
yake huko Afghanistan na Iraq. Ameongeza kuwa kama ambavyo uingiliaji wa
Marekani katika ulimwengu wa Kiislamu umepelekea kuenea misimamo
mikali, machafuko na ugaidi, kuishambulia Syria hakutakuwa na natija
ghairi ya kueneza misimamo mikali.
Wakati huo huo Mkuu wa Halmashauri ya Kuainisha Maslahi ya Mfumo Iran
Ayatollah Hashemi Rafsanjani naye pia ameonya kuwa Marekani na
waitifaki wake wakianzisha vita Syria yamkini wasiweze kumaliza vita
hivyo kwani vitatoka nje ya udhibiti wao. Amesisitiza umuhimu wa Syria
katika eneo na kusema nchi hiyo ya Kiarabu ni ngome ya mapambano dhidi
ya utawala wa Kizayuni wa Israel. Kwingineko wabunge kadhaa wa Iran wako
nchini Syria kwa lengo la kufanya mazungumzo na wakuu wa nchi hiyo.
Ujumbe huo uliowasili Damascus Jumamosi unaongozwa na mkuu wa Kamati ya
Sera za Kigeni na Usalama wa Taifa katika bunge la Iran Bw. Allaudin
Burujerdi.
http://kiswahili.irib.ir/habari
