WAUMINI WA DINI YA KIISLAMU WAMEUNGANA KATIKA KUMBUKUMBU YA KIFO CHA MTUME (S.A.W.W) DAR ES SALAAM.

Waislam wa Madhehebu ya Shia na Sunni leo wameungana katika matembezi ya amani yaliyofanyika kuanzia Magomeni Mapipa karibu na Msikiti wa Kichangani jijini Dar es Salaam kwa ajili ya kukumbuka kifo cha Mtume Muhammad (s.a.w.w) matembezi hayo yalimalizikia katika kiwanja cha People Kigogo Post karibu na Masjid Al Ghadir.

Mtukufu Mtume Muhammad (s.a.w.w) amefariki mnamo tarehe 28 Safar siku ya Jumatatu mwaka wa kumi Hijria. kila ifikapo mwezi Safar ni kawaida kuona Waislam wa Madhehebu ya Shia Ithna Ashiriyyah wakiomboleza duniani kote huku wakibeba ujumbe mbalimbali juu ya kifo cha Mtume Muhammad (s.a.w.w).