Imam Ali bin
Abi Talib (a.s) amesema: “Naapa kwa Mwenyezi Mungu laity nikipewa mbingu saba
na vyote vilivyo chini yake eti ili tu nimwasi Mwenyezi Mungu kwa kumnyang’anya
mdudu chungu punje ya shairi, sitofanya, na hakika dunia yenu hii ni dhalili
kwangu kuliko jani lililomo mdomoni mwa nzige.
Taz: Nahjul
Balaghah, hotuba ya 224
Imam Ali bin
Abi Talib (a.s) ndiye mwenye maagizo mazuri aliyoyatuma kwa Al-Ashtar
An-Nakhaiy gavana wake wa Misri na watu. Ndani ya maagizo hayo amesema: “Usiwe
mnyama mkali mwenye kushambulia unayetumia fursa kwa ajili ya kuwala wao. Kwani
hakika wao wako katika makundi mawili: Ima ni ndugu yako katika dini au ni
kiumbe mwenzako, hivyo wape msamaha wako kama unavyopenda upewe msamaha na
Mwenyezi Mungu. Wala usijute kwa msamaha wowote utakaotoa, wala usijivune kwa
adhabu yoyote utakayotoa.” Kisha akamwambia: “Jizuie kujilimbikizia.”
Taz: Nahjul
Balaghah, barua ya 53
Hakika ukali
wa Imam Ali bin Abi Talib (a.s) katika kuzuwia kujilimbikizia ulikuwa ni sababu
kubwa ambayo ilipelekea kutokea
yaliyotokea kati yake na Muawiyyah na jamaa zake, kwani hakika hawa
walitaka ufalme, mali na utajiri kwa ajili ya nafsi zao huku Imam Ali bin Abi
Talib (a.s) akitaka hayo yote yawe kwa ajili ya raia wote.
Huruma
iliwafikia watu wote akawasamehe dhidi ya yale wanayoyatenda, hivyo watu wa
Busra walimpiga vita, wakaupiga kwa mapanga uso wake na nyuso za wanae,
wakamtukana na kumlaani, lakini alipowashinda hakuwauwa na akawa kawaingiza
katika amani yake. Na aliusia kutendewa wema Yule mwovu muuaji wa nafsi yake
Ibn Muljim.
