1- Kwa jina la Mola, Karima ninatamka,
Kheri na salama kwa Hashima mzawa wa Makka,
Na watoto wake wema halikadhalika,
Nyumbani kwa Ali na Fatma kumesalimika.
2- Hadithul kisaa, tukisoma kinasikika,
Watu wengi sana kila zama hawakushika,
Huo ni msiba tunasema kwa kusikitika,
Nyumbani kwa Ali na Fatma kumesalimika.
3- Kwenye Qur'an tukisoma, wazi imeweka,
Pia kwa hadithi za hashima inabainika,
Muhammadi Ali na Fatma wametwaharika,
Nyumbani kwa Ali na Fatma kumesalimika.
4- Hassani Husseini waja wema wametwaharika,
Sura Ahzabu tukisoma inabainika,
Watu wa Tarehe na Hadithi wameliandika,
Nyumbani kwa Ali na Fatma kumesalimika.
5- Toka kwa Jabir Answari wakuaminika,
Kasema Fatma yule mama alotwaharika,
Mtume kafika kwa Fatma kisha katamka,
Nyumabani kwa Ali na Fatma kumesalimika.
6- Homa imenishika mwili wangu unatetemeka,
Ninasikitika baba yangu yalokufika,
Naomba Rabbuka akulinde na kudhoofika,
Nyumbani kwa Ali na Fatma kumesalimika.
7- Baba kaniambiya, Fatma nipe lile shuka,
Ambalo latoka Yemeni, nitajifunika,
Nami kwa haraka ni kampatiya lile shuka,
Nyumbani kwa Ali na Fatma kumesalimika.
8- Akajifunika nikaona,nuru inawaka,
Imeongezeka kama, mwezi uliokamilika,
Punde akafika na Hussani nikamuitika,
Nyumbani kwa Ali na Fatma kumesalimika.
9- Ninaburudika kwa mwanangu, nakufarijika,
Naye katamka, manukato wapi yanatoka,
Inaaminika Babu yangu hapa amefika,
Nyumbani kwa Ali na Fatma kumesalimika.
10- Kweli ana Homa, babu yako amejifunika,
Akasikitika akaenda, pale kwenye shuka,
Assalaam Aleyka babu yangu nije jifunika,
Nyumbani kwa Ali na Fatma kumesalimika.
11- Tumwa kaitika nakusema umekubalika,
Hodhi kauthara ni Hassani unayeishika,
Ingiya kwenye shuka na Hassani akajifunika,
Nyumbani kwa Ali na Fatma kumesalimika.
12- Nikwa madakika na mwanangu Husseini kafika,
Nikamuitika moyo wangu, ukaburudika,
Naye kataamka manukato, wapi yanatoka,
Nyumbani kwa Ali na Fatma kumesalimika.
13- Inaaminika babu yangu hapa amefika,
Kweli amefika ana homa amejifunika,
Hata kaka yako na Mtume wamejifunika,
Nyumbani kwa Ali na Fatma kumesalimika.
14- Naye akaenda kwa haraka pale kwenye shuka,
Assalaam Aleyka babu yangu nijejifunika,
Akamuitikia kamwambiya umekubalika,
Nyumbani kwa Ali na Fatma kumesalimika.
15- Ingia haraka Emwanangu nina
uhakika,
Kupitiya kwako Umma wangu utashufaika,
Hassani Husseni na Mtume wamejifunika,
Nyumbani kwa Ali na Fatma kumesalimika.
16- Ni kwa madakika baba Hussani naye kafika,
Nikamuitika kwa salaam aliyotamka,
Ali kauliza manukato wapi yanatoka,
Nyumbani kwa Ali na Fatma kumesalimika.
17- Mtume wa Mungu yaonyesha hapa amefika,
Ni binamu yangu Muhammadi aliyetukuka,
Fatma naomba nieleze nipate hakika,
Nyumbani kwa Ali na Fatma kumesalimika.
18- Kweli amefika ana homa amejifunika,
Na watoto wako kwa pamoja wamejifunika,
Ali kwa haraka akaenda pale kwenye shuka,
Nyumbani kwa Ali na Fatma kumesalimika.
19- Assalaam Alayka kwa Mtume Ali katamka,
Ewe ndugu yangu niruhusu nijejifunika,
Tumwa kaitika akasema umekubalika,
Nyumbani kwa Ali na Fatma kumesalimika.
20- Wewe ndugu yangu kwa Hashimu sote tunatoka,
Wewe utashika uongozi nikishaondoka,
Na bendera yangu ndiyo wewe unayeishika,
Nyumbani kwa Ali na Fatma kumesalimika.
21- Akajumuika bwana Ali pale kwenye shuka,
Na mimi Fatma nikaenda pale kwenye shuka,
Nikasalimiya baba yangu akaniitika,
Nyumbani kwa Ali na Fatma kumesalimika.
22- Nika muuliza baba yangu aliyetukuka,
Mtume wa Mungu bint yako nijejifunika,
Baba katamka E Fatma ingiya haraka,
Nyumbani kwa Ali na Fatma kumesalimika.
23- Ni wewe Fatma kwenye mwili wangu unatoka,
Nilipoingiya ni watano tumekamilika,
Baba akashika ncha mbili sehemu ya shuka,
Nyumbani kwa Ali na Fatma kumesalimika.
24- Baba akaomba usalama toka kwa Rabbuka,
Mkono mmoja wa kuliya juu kauweka,
Mola nakuomba watu wangu hawa kwa hakika,
Nyumbani kwa Ali na Fatma kumesalimika.
25- Ni wasiri wangu wasaidizi wauhakika,
Mwili wao ndiyo mwili wangu mimi bila shaka,
Damu yao ndiyo Damu yangu inafahamika,
Nyumbani kwa Ali na Fatma kumesalimika.
26- Ninahuzunika pindi wao wakihuzunika,
Nampiga vita awapigaye hakuna shaka,
Nampa Amani yule awapaye kwa hakika,
Nyumbani kwa Ali na Fatma kumesalimika.
27- Mimi ni aduwi kwa aduwi yao bila shaka,
Mimi nampenda awapendao kwa uhakika,
Kwangu wanatoka, hata mimi kwao ninatoka,
Nyumbani kwa Ali na Fatma kumesalimika.
28- Mola teremsha usalama na zako baraka,
Rehema na Radhi msamaha kwako vinatoka,
Wape watu hawa hata mimi hayo nayataka,
Nyumbani kwa Ali na Fatma kumesalimika.
29- Ondowa kabisa kwao hawa uchafu na Taka,
Mungu mwenye enzi kawaita enyi Malaika,
Kwenye mbingu zangu mnakaa nasema hakika,
Nyumbani kwa Ali na Fatma kumesalimika.
30- Sikuumba mbingu na Ardhi zilokamilika,
Mwezi wenye Nuru wala Jua linalomulika,
Bahari mawimbi na Sayari inayozunguuka,
Nyumbani kwa Ali na Fatma kumesalimika.
31- Bahari na mwenendo wa mawimbi vyote kwa hakika,
Dau zaeleya kwenye maji nakusalimika,
Ni mapenzi yangu kwa watano waliojifunika,
Nyumbani kwa Ali na Fatma kumesalimika.
32- Hapo Jibril kauliza kwa Mola Rabbuka,
Ni akina nani waliopo kwenye hilo shuka,
Mola mwenye enzi kamwambiya huyu Malaika,
Nyumbani kwa Ali na Fatma kumesalimika.
33- Ni watu wa Nyumba ya Mtume wamejifunika,
Na ndiyo asili ya Ujumbe uliyotukuka,
Ni watu watano shuhudiya wewe Malaika,
Nyumbani kwa Ali na Fatma kumesalimika.
34- Hawo ni Fatma na babake wachini ya shuka,
Pia mume wake na wanawe wamejifunika,
Ndipo Jibril akaomba kwenda kwenye shuka,
Nyumbani kwa Ali na Fatma kumesalimika.
35- Mola karuhusu Jibril endejumuika,
Akateremka kwa Mtume pale kwenye shuka,
Akamsalimu Muhammadi Assalaam Alayka,
Nyumbani kwa Ali na Fatma kumesalimika.
36- Kisha katamka Jibril ndani kwenye shuka,
Salaam zatoka kwa Mwenyezi aliyetukuka,
Anakutukuza Muhammadi unaheshimika,
Nyumbani kwa Ali na Fatma kumesalimika.
37- Kwa ushindi wangu ninaapa Mola katamka,
Sikuumba mbingu na Ardhi zilokamilika,
Mwezi wenye Nuru wala Jua linalomulika,
Nyumbani kwa Ali na Fatma kumesalimika.
38- Bahari na mwenendo wa mawimbi vyote kwa hakika,
Dau zaeleya kwenye maji nakusalimika,
Ni mapenzi yangu kwa watano walokamilika,
Nyumbani kwa Ali na Fatma kumesalimika.
39- Mtume wa Mungu sikiliza Mola atamka,
Kwa mapenzi yake kwenu nyinyi mlojifunika,
Kama siyo nyinyi vitu vyote asinge viweka,
Nyumbani kwa Ali na Fatma kumesalimika.
40- Mungu karuhusu Jibril nijejifunika,
Vipi waruhusu Muhammadi nikajumuika,
Tumwa kaitika salaam yake Malaika,
Nyumbani kwa Ali na Fatma kumesalimika.
41- Umekubalika Jibril, unaaminika,
Wahy wa Allah kwako wewe unahifadhika,
Ndipo Jibril kaingiya kwenye lile shuka,
Nyumbani kwa Ali na Fatma kumesalimika.
42- Akamueleza baba yangu Mola katamka,
Mungu anataka awatowe uchafu na taka,
Nyumba ya Utume mtakaswe na kutwaharika,
Nyumbani kwwa Ali na Fatma kumesalimika.
43- Ali kauliza baba yangu ampe hakika,
Ni fadhila gani za kikao chetu kwenye shuka,
Zinapatikana mbele ya Mola wetu Rabbuka,
Nyumbani kwa Ali na Fatma kumesalimika.
Kheri na salama kwa Hashima mzawa wa Makka,
Na watoto wake wema halikadhalika,
Nyumbani kwa Ali na Fatma kumesalimika.
2- Hadithul kisaa, tukisoma kinasikika,
Watu wengi sana kila zama hawakushika,
Huo ni msiba tunasema kwa kusikitika,
Nyumbani kwa Ali na Fatma kumesalimika.
3- Kwenye Qur'an tukisoma, wazi imeweka,
Pia kwa hadithi za hashima inabainika,
Muhammadi Ali na Fatma wametwaharika,
Nyumbani kwa Ali na Fatma kumesalimika.
4- Hassani Husseini waja wema wametwaharika,
Sura Ahzabu tukisoma inabainika,
Watu wa Tarehe na Hadithi wameliandika,
Nyumbani kwa Ali na Fatma kumesalimika.
5- Toka kwa Jabir Answari wakuaminika,
Kasema Fatma yule mama alotwaharika,
Mtume kafika kwa Fatma kisha katamka,
Nyumabani kwa Ali na Fatma kumesalimika.
6- Homa imenishika mwili wangu unatetemeka,
Ninasikitika baba yangu yalokufika,
Naomba Rabbuka akulinde na kudhoofika,
Nyumbani kwa Ali na Fatma kumesalimika.
7- Baba kaniambiya, Fatma nipe lile shuka,
Ambalo latoka Yemeni, nitajifunika,
Nami kwa haraka ni kampatiya lile shuka,
Nyumbani kwa Ali na Fatma kumesalimika.
8- Akajifunika nikaona,nuru inawaka,
Imeongezeka kama, mwezi uliokamilika,
Punde akafika na Hussani nikamuitika,
Nyumbani kwa Ali na Fatma kumesalimika.
9- Ninaburudika kwa mwanangu, nakufarijika,
Naye katamka, manukato wapi yanatoka,
Inaaminika Babu yangu hapa amefika,
Nyumbani kwa Ali na Fatma kumesalimika.
10- Kweli ana Homa, babu yako amejifunika,
Akasikitika akaenda, pale kwenye shuka,
Assalaam Aleyka babu yangu nije jifunika,
Nyumbani kwa Ali na Fatma kumesalimika.
11- Tumwa kaitika nakusema umekubalika,
Hodhi kauthara ni Hassani unayeishika,
Ingiya kwenye shuka na Hassani akajifunika,
Nyumbani kwa Ali na Fatma kumesalimika.
12- Nikwa madakika na mwanangu Husseini kafika,
Nikamuitika moyo wangu, ukaburudika,
Naye kataamka manukato, wapi yanatoka,
Nyumbani kwa Ali na Fatma kumesalimika.
13- Inaaminika babu yangu hapa amefika,
Kweli amefika ana homa amejifunika,
Hata kaka yako na Mtume wamejifunika,
Nyumbani kwa Ali na Fatma kumesalimika.
14- Naye akaenda kwa haraka pale kwenye shuka,
Assalaam Aleyka babu yangu nijejifunika,
Akamuitikia kamwambiya umekubalika,
Nyumbani kwa Ali na Fatma kumesalimika.
15- Ingia haraka Emwanangu nina
uhakika,
Kupitiya kwako Umma wangu utashufaika,
Hassani Husseni na Mtume wamejifunika,
Nyumbani kwa Ali na Fatma kumesalimika.
16- Ni kwa madakika baba Hussani naye kafika,
Nikamuitika kwa salaam aliyotamka,
Ali kauliza manukato wapi yanatoka,
Nyumbani kwa Ali na Fatma kumesalimika.
17- Mtume wa Mungu yaonyesha hapa amefika,
Ni binamu yangu Muhammadi aliyetukuka,
Fatma naomba nieleze nipate hakika,
Nyumbani kwa Ali na Fatma kumesalimika.
18- Kweli amefika ana homa amejifunika,
Na watoto wako kwa pamoja wamejifunika,
Ali kwa haraka akaenda pale kwenye shuka,
Nyumbani kwa Ali na Fatma kumesalimika.
19- Assalaam Alayka kwa Mtume Ali katamka,
Ewe ndugu yangu niruhusu nijejifunika,
Tumwa kaitika akasema umekubalika,
Nyumbani kwa Ali na Fatma kumesalimika.
20- Wewe ndugu yangu kwa Hashimu sote tunatoka,
Wewe utashika uongozi nikishaondoka,
Na bendera yangu ndiyo wewe unayeishika,
Nyumbani kwa Ali na Fatma kumesalimika.
21- Akajumuika bwana Ali pale kwenye shuka,
Na mimi Fatma nikaenda pale kwenye shuka,
Nikasalimiya baba yangu akaniitika,
Nyumbani kwa Ali na Fatma kumesalimika.
22- Nika muuliza baba yangu aliyetukuka,
Mtume wa Mungu bint yako nijejifunika,
Baba katamka E Fatma ingiya haraka,
Nyumbani kwa Ali na Fatma kumesalimika.
23- Ni wewe Fatma kwenye mwili wangu unatoka,
Nilipoingiya ni watano tumekamilika,
Baba akashika ncha mbili sehemu ya shuka,
Nyumbani kwa Ali na Fatma kumesalimika.
24- Baba akaomba usalama toka kwa Rabbuka,
Mkono mmoja wa kuliya juu kauweka,
Mola nakuomba watu wangu hawa kwa hakika,
Nyumbani kwa Ali na Fatma kumesalimika.
25- Ni wasiri wangu wasaidizi wauhakika,
Mwili wao ndiyo mwili wangu mimi bila shaka,
Damu yao ndiyo Damu yangu inafahamika,
Nyumbani kwa Ali na Fatma kumesalimika.
26- Ninahuzunika pindi wao wakihuzunika,
Nampiga vita awapigaye hakuna shaka,
Nampa Amani yule awapaye kwa hakika,
Nyumbani kwa Ali na Fatma kumesalimika.
27- Mimi ni aduwi kwa aduwi yao bila shaka,
Mimi nampenda awapendao kwa uhakika,
Kwangu wanatoka, hata mimi kwao ninatoka,
Nyumbani kwa Ali na Fatma kumesalimika.
28- Mola teremsha usalama na zako baraka,
Rehema na Radhi msamaha kwako vinatoka,
Wape watu hawa hata mimi hayo nayataka,
Nyumbani kwa Ali na Fatma kumesalimika.
29- Ondowa kabisa kwao hawa uchafu na Taka,
Mungu mwenye enzi kawaita enyi Malaika,
Kwenye mbingu zangu mnakaa nasema hakika,
Nyumbani kwa Ali na Fatma kumesalimika.
30- Sikuumba mbingu na Ardhi zilokamilika,
Mwezi wenye Nuru wala Jua linalomulika,
Bahari mawimbi na Sayari inayozunguuka,
Nyumbani kwa Ali na Fatma kumesalimika.
31- Bahari na mwenendo wa mawimbi vyote kwa hakika,
Dau zaeleya kwenye maji nakusalimika,
Ni mapenzi yangu kwa watano waliojifunika,
Nyumbani kwa Ali na Fatma kumesalimika.
32- Hapo Jibril kauliza kwa Mola Rabbuka,
Ni akina nani waliopo kwenye hilo shuka,
Mola mwenye enzi kamwambiya huyu Malaika,
Nyumbani kwa Ali na Fatma kumesalimika.
33- Ni watu wa Nyumba ya Mtume wamejifunika,
Na ndiyo asili ya Ujumbe uliyotukuka,
Ni watu watano shuhudiya wewe Malaika,
Nyumbani kwa Ali na Fatma kumesalimika.
34- Hawo ni Fatma na babake wachini ya shuka,
Pia mume wake na wanawe wamejifunika,
Ndipo Jibril akaomba kwenda kwenye shuka,
Nyumbani kwa Ali na Fatma kumesalimika.
35- Mola karuhusu Jibril endejumuika,
Akateremka kwa Mtume pale kwenye shuka,
Akamsalimu Muhammadi Assalaam Alayka,
Nyumbani kwa Ali na Fatma kumesalimika.
36- Kisha katamka Jibril ndani kwenye shuka,
Salaam zatoka kwa Mwenyezi aliyetukuka,
Anakutukuza Muhammadi unaheshimika,
Nyumbani kwa Ali na Fatma kumesalimika.
37- Kwa ushindi wangu ninaapa Mola katamka,
Sikuumba mbingu na Ardhi zilokamilika,
Mwezi wenye Nuru wala Jua linalomulika,
Nyumbani kwa Ali na Fatma kumesalimika.
38- Bahari na mwenendo wa mawimbi vyote kwa hakika,
Dau zaeleya kwenye maji nakusalimika,
Ni mapenzi yangu kwa watano walokamilika,
Nyumbani kwa Ali na Fatma kumesalimika.
39- Mtume wa Mungu sikiliza Mola atamka,
Kwa mapenzi yake kwenu nyinyi mlojifunika,
Kama siyo nyinyi vitu vyote asinge viweka,
Nyumbani kwa Ali na Fatma kumesalimika.
40- Mungu karuhusu Jibril nijejifunika,
Vipi waruhusu Muhammadi nikajumuika,
Tumwa kaitika salaam yake Malaika,
Nyumbani kwa Ali na Fatma kumesalimika.
41- Umekubalika Jibril, unaaminika,
Wahy wa Allah kwako wewe unahifadhika,
Ndipo Jibril kaingiya kwenye lile shuka,
Nyumbani kwa Ali na Fatma kumesalimika.
42- Akamueleza baba yangu Mola katamka,
Mungu anataka awatowe uchafu na taka,
Nyumba ya Utume mtakaswe na kutwaharika,
Nyumbani kwwa Ali na Fatma kumesalimika.
43- Ali kauliza baba yangu ampe hakika,
Ni fadhila gani za kikao chetu kwenye shuka,
Zinapatikana mbele ya Mola wetu Rabbuka,
Nyumbani kwa Ali na Fatma kumesalimika.
44- Mtume kajibu ninaapa kwa Mola hakika,
Kanipa Utume na Risala ya kuaminika,
Risala ambayo wafuwasi wake huokoka,
Nyumbani kwa Ali na Fatma kumesalimika.
45- Itapokumbukwa habari yetu hii hakika,
Hafla yoyote Aridhini wakikusanyika,
Na Mashia wetu na wapenzi wakajumuika,
Nyumbani kwa Ali na Fatma kumesalimika.
46- Mwenyezi ashusha rehema zitamiminika,
Watahudhuriya jambo hilo hata Malaika,
Watawaombeya Maghfira yatakubalika,
Nyumbani kwa Ali na Fatma kumesalimika.
47- Yataendeleya hadi pale wakitawanyika,
Ali akasema Wallahi tumekwishavuka,
Namashia wetu wamefuzu halikadhalika,
Nyumbani kwa Ali na Fatma kumesalimika.
48- Kisha baba yangu Muhammadi tena katamka,
Sikiliza Ali ninaapa kwa Mola Rabbuka,
Kanipa Risala wafuwasi wake huokoka,
Nyumbani kwa Ali na Fatma kumesalimika.
49- Hapa Aridhini kama watu wakikusanyika,
Katika hafla yoyote itayofanyika,
Na Mashia wetu na Wapenzi wakajumuika,
Nyumbani kwa Ali na Fatma kumesalimika.
50- Kwa mwenye huzuni ni lazima itamuondoka,
Kila mwenye Ghammu hakikisha itamuondoka,
Kila mwenye haja atapewa anachokitaka,
Nyumbani kwa Ali na Fatma kumesalimika.
51- Ali katamka Wallahi tumekwishavuka,
Tumebarikiwa Shia wetu halikadhalika,
Hapa duniani na Akhera nina uhakika,
Nyumbani kwa Ali na Fatma kumesalimika.
52- Kwa Mola wa Ka'ba ninaapa bila ya mashaka,
Tumeshaongoka Shia wetu wameshaongoka,
Salaam kwa Tumwa na Ahali walioongoka,
Nyumbani kwa Ali na Fatma kumesalimika.
Na: Juma S. Magambilwa
