DUA MAALUMU KWA AJILI YA SHAHIDI ABDUL QADIR.

Waumini wa dini ya Kiislam Madhehebu ya Shia Ithna Ashariyyah wameungana na taasisi mbalimbali kwa ajili ya kufanya dua maalumu kumuombea Shahidi Sheikh Abdul Qadir (Doktoor Abdul Qadir) aliyeuawa kwa kupigwa risasi Uganda alipokuwa akitokea Msikitini, dua hiyo ilifanyika katika Msikiti wa Khoja Shia Ithna Ashariyyah uliyopo Posta, Dar es Salaam kabla ya kisomo cha dua ilisomwa historia ya maisha ya Shahidi Sheikh Abdul Qadir na Sheikh Ramadhani Kwezi kutoka Bilal Muslim Mission Tanzania kukifuatiwa na wazungumzaji mbalimbali, Sheikh Jabir Chandoo alizungumzia juu ya umuhimu wa ufanyaji Tabligh huku akisisitiza umuhimu wa kuwa na mshikamano katika kufikisha ujumbe wa Ahlul Bayt (a.s), Kiongozi wa Chuo Kikuu cha Jamiatul Mustafa kilichopo Upanga, Dar es Salaam Sayyid Shahidi alisema ni muhimu kuwa na tahadhari sana hivi sasa maadui wameanza kazi katika nchi zetu mwisho Imam wa Masjid Al Ghadir, Kigogo Post Sheikh Hemed Jalala alisoma Majilisi ya Imam Hussein (a.s) kwa ajili ya kuomboleza kifo cha Shahidi Sheikh Abdul Qadir. "Hakika sisi sote ni waja wa Mwenyezi Mungu na kwake tutarejea."